Diocese de Lugo

Plaza Santa María 1
Lugo 27001

diocesisdelugo@diocesisdelugo.org
+34 982 231 143

A Virxe dos Ollos Grandes

Estivo sempre aí?

Baja para continuar
Hai espazos que acaban por parecernos inevitables. Custa imaxinar que algunha vez foron distintos. E, con todo, as cidades cambian. Tamén as catedrais. Quen entra hoxe na Catedral de Lugo dirixe case sen pensalo os pasos cara á capela da Virxe dos Ollos Grandes. A súa presenza no centro da deambulatoria parece tan natural que custa imaxinala noutro lugar. Pero durante boa parte da súa historia non foi así... A primeira localización coñecida da imaxe foi a Capela Maior, o corazón litúrxico da Catedral. Alí permaneceu ata que, nalgún momento de mediados do século XVI, foi trasladada á capela que hoxe coñecemos como San Miguel.
Non sabemos con certeza que motivou aquel cambio. A documentación conservada non permite responder a todas as preguntas. Pero si axuda a comprender algo importante: as catedrais non son edificios inmóbiles. Son lugares vivos, que se transforman para responder ás necesidades da liturxia, da comunidade cristiá e das distintas formas de vivir a fe. Tamén a Catedral de Lugo foi cambiando co paso dos séculos, deixando que cada xeración plasmase nela a pegada da súa fe. A antiga capela de San Miguel converteuse entón no principal centro da devoción á Virxe. Alí recibiu un novo retablo en 1655 e alí comezou unha etapa decisiva para o seu culto. Ese mesmo ano, o Cabido declarou a Virxe dos Ollos Grandes especial Patroa da Igrexa de Lugo e acordou que a súa capela, o seu altar, a imaxe e todo o pertencente ao seu culto non poderían venderse, cederse nin allearse «para sempre xamais».
Unha nova etapa para a Virxe dos Ollos Grandes
Detalle da Virxe dos Ollos Grandes

Unha nova etapa para a Virxe dos Ollos Grandes

A partir de entón, sería tamén o propio Cabido quen asumiría o coidado da capela, do retablo, do ornato e de canto fose necesario para honrar a Patroa, impulsando unha devoción que non deixaría de medrar.

Aquela decisión non foi o final da historia, senón o comezo dunha nova etapa. A Virxe ocupaba xa un lugar central na vida relixiosa da cidade, e a antiga capela deixara de expresar a importancia que aquela devoción alcanzara entre os lucenses.

A resposta chegaría poucas décadas despois. Lugo decidiu emprender a construción dun novo espazo para a Virxe dos Ollos Grandes, un proxecto que transformaría para sempre o corazón da Catedral.

Desliza para explorar ou baixa para continuar

Siguiente artículo

¿Por qué es barroca?
Sigue bajando